Posted in Uncategorized

आधार को पैन कार्ड से कैसे लिंक कर

May 12, 2017

Shanky❤Salty
Kya Aapko pata hai aapke PAN Card ko aadhar se link karna jaruri hai. Bharat Sarkar ke dwara ye spasht rup se bata diya gaya hai ki 31 June tak sabhi pan card users ko apna pan aadhar se link karna hoga, Agar aap aisa nahi karte hain to aapka PAN Card Cancel kar diya jayega. Link Aadhar Card With Pan Card me aap janenge ki kaise aap apne PAN ko aadhar se jodenge.

Hum sabhi jante hain ki desh me bharstachar aaj ek eham mudda hai. Log imandari se apna Tax Pay nahi karte hain jissey sarkar ko bahut nuksan hota hai. Yafir kai trah farjiwade bhi ho rahe hai. Logon ke paas ek se adhik PAN Card bhi mil rahe hai. Inhi chijo par lagaam lagane ke liye Bharat Sarkar ne aisa thos kadam uthaya hai ki sabhi pan card ko aadahr se link kiya jaaye.

Agar aapne pehle se hi PAN Card banwa rakha hai to usey aadhaar ke saath link karna bahut hi jaruri hai. Finance Bill 2017 me Bharat sarkar ne saaf bata diya hai ki ab pan card banwane ke liye aapke paas aadhar hona jaruri hai. Link Aadhar Card to PAN Card me maii Shanky❤Salty aapko batyega ki bus kuch simple steps kar ke aap ghar baithe bhi apne Phone ya Desktop se PAN ko aadhaar se kaise link kar sakte hain.
PAN CARD 

PAN Card Ka Full Name Permanent AccountNumber hai. Jisko Income Tax Department ke dwara issue kiya jaata hai. Aapk PAN Number 10 digit ka Unique Number hota hai. Aap Ek se adhik PAN Card nahi banwa sakte hain. Agar aapne aisa kiya to ye puritrah se galat hai aur apradh ki shreni me aata hai. Pan Card ka use Goverment ko tax pay karne ke liye karte hain. Income Tax Return ki filing ke aapke pass pan card hona bahut jaruri hai. 

Pan Card ka use aap Age Proof ke liye, Passport Banwane ke liye, Stock Market me invest karne ke liye kar sakte hain. PanCard ka use aap aur bhi kai chijo me le sakte hain. Aap agar 18 ya 18+ hain to PAN Card ke liye aavedan kar sakte hain. 

Aadhar Card 

Aadhaar Card Unique Identification Card hai, Jisey Bharat sarkar ke dwara sabhi bhartiyo ke liye diya gaya hai. Aadahr Card Unique Identification Authority of India ke dwara isuue kiya jata hai. Aadhar Number aapka 12 digit ka unique number hota hai. Aadhar me aapki Photo, Address sabhi available hota hai. Aur Aadhar aaj sabhi ke liye jaruri hai. Aadhar Card Bharat Sarkar ki acchi pehal hai jisme aapke ek document me hi aapki Bio metricaur Demographic information hoti hai.

Aap Aadhar Card aur PAN Card ki basic Details to samjh gaye hain. Ab inko link karne ke liye simple Steps hain jo aapko follow karne hai. Aapko kanhi jane ki jarurat nahi hai. Aap apne ghar ya office se baith kar hi Aadhar se pan card ko link kar denge.

#Step 1. Sabse Pehle Aapko Income Tax India ki E Filing Portal Par Jana Hoga Janha Aapko Login Here Par Click Karna hai.

#Step 2. Log in Here Par click karne ke baad agar aap pehle se hi log in hain to User Id , Password aur Captcha Code Enter Kar ke login ho jaiye Ya fir agar aap New Use hain to To Register Now Par Click kar kijiye. Aur apne Card ka type Select kijiye. Aap agar meri trah individual user to individual par tick kar dein. Aur Continue par click kar dein.

#Step 3. Ab aap apna PAN Card Apne Paas Rakh Lijiye. Yanha aapke Pan Card Se related kuch details mangi jayengi. 

1. Yanha apne 10 Digit ka alpha numeric pan no daaliye. 

2. Yanha Surname Daliye Surnme aapke name ka last wala name hai.

3. Middle name hai to wo enter kijiye.

4. Apna First Name Enter kijiye. 

5. Aapke Pancard jo date of birth mention wo enter kijiye. 

6. Continue par click kar dijiye.

#Step 4. Continue Par Click karne ke baad Ek Form aur open hota hai janha aapko Password set karna hai. Uske baad 2 security question, aapka phone Number, Email Id, Address ye sabhi fill kar ke ok kar dena hai. Uske baad aapke paas ek email aati hai. Aur Mobile par ek pin bheja jaata hai. Isliye aap valid email id aur mobile number enter karein.

#Step 6. Verification ke liye Jo mail bheji gai hai us mail ko open kar lein. Wanha aapko activation link mil jayega janha aapko click karna hai. Activation link par click karne ke baad aapse Mobile pin mangijayegi Jo aapke mobile par bhej di gai usko enter kar ke ok kar dijiye.

#Step 7. Apne PAN Card ke saath complete registration kar liya ab aapko aapka aadhar add karna hai apne pan ke saath to Aadhar ko pan ke saath Link kar ke liye. Services Section me Link Aadhar par click kijiye. Ab apna Pan aur aadhar apne saath rakhiye. 

1. Apna Pan Number enter kijiye.

2.Aapna 12 digit ka unique aadhaar number enter kijiye. 

3. Aapke Aadhar Card par jo name hai wo enter kijiye. 

4. Captcha Code enter kijiye. 

5. Link To aadhar par click kardijiye.

Agar aap pehle se hi log in hai to direct aadhar ko pan se link kar sakte hain.


Bus 7 steps ko pura karte hi aapka aadhar aapke pan se link ho jaata hai.

Congratulations Aapka Aadhaar Aapke PAN ke saath Sucessfully link ho gaya hai.

To aapko in simple steps ko follow kar ke eaisly aadhar pan ko link kar sakte hain. Agar aapko Aadhar pan link karne me koi bhi problem aa rahi ho to mujhe comment me jarur bataiye.

Aur aapko ye post kaisa laga hume comment me  batayein.

Aur aapse request hai post ko share bhi kijiye taaki dusre log bhi valid tarike se Aadhaar ko pan se link kar sakein. Aur apne PAN Number ko deactivate hone se bacha sakein.

Author:

I am Ashish Kumar. I am known as Shanky. I was born and brought up in Ramgarh, Jharkhand. I have studied Electronics and Communication Engineering. I have written 6 books. I have come to know so much of my life that life makes me cry as much as death. Have you heard that this world laughs when no one has anything, if someone has everything, this world is longing for what I have, this world. Whatever I am, I belonged to my beloved Mahadev. What should I say about myself? Gradually you will know everything.

One thought on “आधार को पैन कार्ड से कैसे लिंक कर

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.